umpasa

habonaron do bona

bulung hondi bulung hosaya
lompahan ni boru sinaga,
nggo domma hita marsada
totap najolom ‘habonaran do bona”

Aek ni sipir-sipir, Pamurianni holi-holi
Nanget hita marpikkir, Ulang manosal holi

Age bue andihei sada do nahutatap
Buepe na husisei hamdo anakni mata

Age martintin logam asal hupartonduran
Age hita marlonggam asal ulang gayuran .

Age pandei mandihar rado nahei tarsidir
Marmercy pe napistar rado matei marpingkir

Andon pinggan panganan, gulei ni bai tombuan;

Na hot bai pangarapan, rupeini Hagoluhan….

Andor hadukka ma togu-togu ni lombu, togu-togu ni horbo, itogu hu Raya
Horas ma hita sayur matua, patogu-togu pahompu, das mar nini mar nono,
ipasu-pasu Naibatanta

Andor hadungka, Togu toguni lombu
Sai sayur matua, Ronsi patogu togu pahompu

Anduhur pinurputan, tading iparsobanan
Anggo uhur tinurutan, lang mar parsaranan

Anduri etek etek, ianan ni bolasan…
I dahon do etek etek,hape domma torasan.

anggo i huta sinaman, sidadolog partuanon
anggo hita markawan, ulang mata duiton

Anggo sadarion ari Minggu, tontu patar ma ari senen.

Anggo domma mulak marminggu, tontu sonang ma paruhuran

Anggo umma roh Udan
Gok ma Bah(aek) bani Palakka (inganan ni Sipanganon ni Pinahan)
Anggo Domma Marhajabuan…
Jadi Hot ma nini Pallakkah…(unang itorihi be Nalebih Gerger)

Apang apang ni landak manguji hahobalan
Mangajari dakdanak manguji hasabaron.

Arirang ni palia, madek-dek hu bong-bongan
Age adong parsalisihan, ulang mar sidom-doman

Asarni hati nong nong, I buntu ni tapian
Anggo mamasu masuma tondong,  Lambin tambahma pansarian

Asarni poldong poldong, I buntu ni tapian
Mamasu masu ma hanami tondong, Sai roh ma parsaulian

Bagod na madungdung, Pilo pilo na jagar
Salosei ma nalungun, Roh ma na jagar

Bah i Liang Nangka, jenges ma paridian…

hujape generasi Simangun manlangkah,

sai ijai ma homa dapotan passarian…

Bahat macamni gaya-gaya, bani juma tapian
Ulang ma marpoya-poya, Unang parsuma passarian

Barakbak ambaroba manuk manuk pargobak
Biak siloja loja partulakan ni horja

Barohol simarsolpah saranggiting damayon
Nahopolma niombah parsirangan ni samon

Bintatar pe bintutur, Londun-ondun bodat
Langbe sompat martutur, Layak ari golap

Boras ibagas supak, ibaen huparasanding
Horas nasiam namulak, horas homa hanami na tading

Boras na satumba, bueini na so habilangan.
Pasada hita panriahanta, ase monang HITA bani Pilkada Simalungun

Boras ni par sinaman, Isuhat bani tapogan
Horas ma nasiam namangan, Horas homa na nidapotan

boras sabur-saburan. ., I babou ni pinggan pasu. .
Horas hta ganupan. ., Sai juppahan pasu-pasu. .
Ai ma tongon. . .

Boras san supak, Boras san nangging
Horas ma nasiam na mulak, Horas homa hanami na tading

Borasni purba tua, iboan hu tiga balata
Horas ma hita sayur matua, itumpak-tumpak Naibatanta

Bulung ni galunggung, I baen paridian
Horas ma hita Simalungun, Jumpahan Pansarian

Burung Balam, Termenung di dalam sangkar
Buat apa kita bingung, Karena masa kini, masa rajin belajar

Burung nuri, Terbang ke dalam semak
Mari bernyanyi, Agar pikiran sehat

Dalan hua Ajibata, adong do tubuh Pisang
Anggo domma marrumah tangga, ulang ma adong hata sirang

Dekkeni payo Tongging, Limuton Tanggurungni
Namariah satongkin, Lang dong hape gunani

Dolok si Marsolpah, Tubuh si marlada-lada
Hita ganupan niombah, Ulang ma nian marajalela

Eme na masak, Bulungni pe melus
Age aha namasa, Ulang lupa martonggo hubani Tuhan Jesus

Emeni parhuta tapian, Isuan I juma Baluhut
Age hurang passarian, Ulang hita marungut-ungut

Ende ni si Damma, Ririkkon sikkuluan
Anggo domma padidihon, Ulang malas hu parmingguan

Etek pe pora pora aima panggantih itok
Etek pe horja asal adatna gok

Etek-etek sapodang, Etek sarang banua
Age mendenta badan, Asalma ulang mahua

Gambiri topi pasar lao pahajoman iatas anak
Anggo misir ham marrantau bapa, ulang lupa bani anak

Gambiri topi pasir, Isuhat martumba-tumba
Anggo misir ma ham patar, Ulang lupa hubani orangtua

Habang ma ampul ampul, Hu atasni tarbangun
On ma indahan apul apul, Sai ulang be malungun

Habang ma anduhur, sogop hu goring-goring
Anggo pusuk uhur, eta ham mandoding-doding

Habang ma kapal terbang, mamboan pinggan pasu
Age daoh ham marlajang, ulang lupa ham hubakku.

habangma inggal-inggal,sogop i atas batu…..

horas selamat tinggal,sai juppahan pasu pasu..

Halambir ni sindamak, ikuhur dop ibola
Sinaha pe nini halak, ulang lupa bani horja

Hampidi rayabasi malopak dop ibolah
Pahitni hata mondi ingaton do madokah

Haporas ni silongkung, i huning i tubai
Anggo domma harosuh, ulang isumengi, lang ibadai

Hayu Hodong parsogopan ni anduhur

Sonin ma nadong, sonin ma malas uhur

Hodong hodong namosap maligar do ibolah
Daoh do hape rongkap bani naso sikkolah

Hodongni birah do, Rokkat ni bagod
Dosni uhur do, Sibahen na saud

Hondor ma langge mu, i dolok si Marsolpah
Holong ni ateimu, ingaton ku do ai madokah

Hordong-hordong na helpat, ulang ipandurdurhon.

Anggo ningon ipandurdurhon, buat ma pakon rantingni.

Anggo dong hanami lepak, ulang ma iparuhurhon,

anggo maningon iparuhurhon, buat ma hinamantinni.

Horsik pasir mandogei pajajar bunga bondar
Marsikkor do parlobei pajongjong namadear .

hurigat bulung gambiri,ratah marbigo sambolah nari,

otik do hata mu ondi lalap hu dingat ronsi sonari…….

Husuba marjalengkat lang tahan ompu ompu
Domma husuba nekat ham do nalang pot hutogu .

I ampar apei pandan, dear baen hundulan;

Ase i pukkah parsahapan, hujon ma hita ganupan……

baen nasiam hujon hita tumpu…..

I dolok ni Purba Tua, Rata-rata isuan Tusam
Hita orang tua, Ulang ma marhata sumsam

I durung ma haporas, Itaoni tao Toba
Sai andoharma hita horas-horas, I hasomani Tuhanta Naibata

i lambung passa passa tubu bonani tobu,

ahape na masa ulang hita mahua

I lambung passa-passa, Tubu bonani tobu
Age aha pe namasa,Hita ulang mahua

Ia bagod i nakkih, ilambung ni sampuran
Ia jaman on jaman canggih, ulang lupa hubani Tuhan

Ia lape marandang, Barandang namin solpah
Ia domma barandang, Lutakdo pandurduran
Ia lape marganjang, Marganjang namin jolma
Ia domma marganjang,  Pusokdo paruhuran

Ia sirang-rang lassie, Pusukni andorasi
Ulang ma nian mambuat latei, Ase negaranta aman janah damei

idolog tinggi raja bahat do paridian,

aman do rumah tangga, anggo saparuhuran

Ija do holi nanilo untungan, Haseppak horsik ni Simanindo
Ijado holi nanilo untungan, Hassapang borit ni nalang pinindo

Initak ma sambor-bor, boras ronggit-ronggitan
Ijon hita manortor, ulang be borit-boritan

Ipongkah buluh balangkei, Sigeini bagod puli
Pinungkahni oppungta na parlobei,  Ihutkononni na parpudi

Irlak-irlak ma senter, itoru ni durian
Lang adong labuni jenges, anggo talu do ujian

isalong ma bulung gadung, isalong lang ra melus,

aha pelang nahurang, marhasoman Tuhan Yesus.

Isuan ma timbaho, isuan manoran-noran
Paubah ma parlaho, ulang songon sapari, ase iharosuhkon hasoman

Itampul bulu lihom, bulung ni irantingkon
Hatamu do masihol, hape uhur mu manadingkon

Itappul hayu loging, Maholdo hape masak
Gati ham mandoding-doding, Ase ulang marsak

Itarik gula, itarik songon tali
Age pe otik nasinari, ulang marsurei

Ituhor ma gan tahu, Angkutni riang-riang
Anggo domma Tarpasu-pasu, Ulang ma mangkatahon sirang

Juma ni Tigarunggu, tubuhan lata-lata
Rajin ma hita marminggu, ase tong-tong ihasomani Tuhanta

Kahombu bajalinggei sogopanni anduhur
Marosuh mau naminei hamdo mardua uhur

Lajamu do hasior bulungni pe rigaton ,

Hatamu do masihol uhurmu manadingkon.

Laklak itallik-tallik, i lambung ni pea-pea
halak na tahan marsik, ujungni jadi jolma na hasea

Lak-lakni hayu bintatar, Ibaen hu para-para
Halak na dob pintar, Ulang ma nian masuk penjara

Lak-lakni tamba tua, hoppa mambuat kuah

Pasangap orangtua, tong-tong dapotan tuah

Lak-lakni tamba tua, hoppa mambuat kuah
Pasangap orangtua, tong-tong dapotan tuah

Lambar bulungni pisang lemes bulungni topu
Ham ma huahap inang agepe lape mardomu

Lampuyang sakaranjang, bulung ni seng sadiha
Akkula do marganjang, uhur seng ope sadiha

Lang be tartalgis hon, pagaman ma na ronggos hon
lang be tartangishon, paganan ma na tor-torhon

Lang irandang lak-lak, Narandang buluh diri
Lang ipandang halak, Napandang uhur diri
Ia mamandang halak, Malungun uhur diri

Lassina ajar ajar porluma nasarihon
Haila na mardasar porlu nalestarihon

Lassina juma roba mondun marpanggar panggar
Ija pe ham marhorja porlu do ham basar.

Makah par bahsombuh megah marpariama
Anggo domma harosuh etek pe na paima

Manangkol ma anduhur sogop bai bulung ni dalih
habang bulung timbahou hulambung bulung tobu
adong do namin uhur bani boru Saragih
agepe ahu laho uhurhin sai tong bamu do…

Manangkol ma anduhur sogop bai bulung ni dalih
habang bulung timbahou hulambung bulung tobu
adong do namin uhur bani boru Saragih
agepe ahu laho uhurhin sai tong bamu do…

Mangan nitak hambani anduri, nitak marcampur durian.

Anggo na idah memang suku diri, daoh do tading humbani na legan.

Mase nai tene.

Mange mange si borhu sontohni poyon poyon
Age hita masombuh nabotoh habadoron

Manggakgak darih manangak sarih
Halak idarih darih Dakdanakni massadih

Manortor roba roba itongahni harangan
Age ihojot horja ,nasoppat lobei mangan . Mariun /Binso. Arr

Maragatma sada garama, mangagat bagot tukasan.

Anggo hita si sada hata,

maningon do namin marsiurupan ase boi songon suku na legan. Amen

Maragatma sada garama, mangagat bagot tukasan.

Anggo hita si sada hata, maningon do namin marsiurupan ase boi songon suku na legan. Amen

Marboras ma halawas, i jual hu Belanda
Horas ma nasiam martugas, haganupan wartawan

Marbuah ma sappuatei , Deba sangkot bani rubei,
Martuahma siboan damei, Sidea do siparrupei…..

Maretor porkis ipuh bani hayu aloban
Rado manektek iluh daoh bani hasoman
Galinggang hayu songgol parngas hape bulungni
Marsirang nadop somal tangkos hape lungunni

Marlereng laho hujuma, Suruk hubobnani hotang,
Biakni dora ai jolma, Lalab jajat nahurang….

Marmangmang ma si lumang manggodor tanggiripan
Angan angan nasumbang paponjothon pikkiran

Marodor parsinaman manonggor huda huda
Layur do au hiranan bani si boru Purba .

Modom modom ilik ipassa reot reot
Domdom naso marsitting papodas hita teot

Motor dolok marangir mardalan hu kasindir
Domma naming ianggir sada pelang manaksir

Nahama marjalengkat lang be marompu ompu
Naha dalanhu nekat hatamu pelang tottu . Mariun / Binso. Arr

Nasuan ma timbahou dua gantang sadari…….

Naubah ma parlahou mangihutkan jaman sonari…..

ulang ketinggalan jaman..

Maju Simalungun…

Nisuan sanggei sanggei, I buttuni luhutan
Nasiam ma gabei, Anggo marsipaihut ihutan

Obor bani nagolap panggantih ni andap andap
Odor naming rokkap ampa horja na mantap

Parangkap ibaen hutoruhni sopo
Namarpangkat paruhuranni na oto

Pasaksak juma ruba horbangma andor pastap
Mantapma namin horja rongkap lang marpanatap

Pisoumu do pisouhu… pisou pambikbik tobu…

Siholmu do siholhu…. sihol laho mardomu….

Rage anak ni bintang, rage so hapulhitan
Buei do hata namantin, paima tangan dapotan

Ratting ni hayu bor-bor, ibaen hu pingging pasu
Anggo rajinmartonggo, Jumpahan pasu-pasu

Riang – riang bulung motung, Rap-rap bulung hoppawa
Hinariah hinabosur, Asal rup hita tartawa

Roba sipissarpissar .parsidingan ni leto
Mardohar anggo pistar marsikkor anggo oto.

Sada sikortas kajang, padua kortas hulipat
Sadokah ham marlajang, sada ham do hansa na hudingat.

Sada simarlasina, Padua simargalung-galung
Bahat namin hanami marsanina, Pitah audo manaron namalungun

Salak ni parhuta Raya Bosi, domma tardai i kehen age huluan,
Halak na marosuh bani budayani, pandei do mangimbang hamajuan ni jaman

salana ma saluar, saluar panjang kaki,
hata na dob tarluar, lang boi be tarulaki

Sarindan ma sarondun, Hotang pajalin-jalin
Sainng hita saoppung, Morganta marlain-lain.

Sedo lak-lak hasundur, haronduk ni buluk ku
Sedo halak hu sukkun, harosuh ni uhurhu

Sedo naso huturbung harindang harondukmu ,

sajari dua jari patolu jari jongkal,;

sedo naso husungkun haringgas harosuhmu

sadari dua ari patolu tahun nokkan…..

balosi ham ma botou

Siantar timbang galing, Panuananni pining
Ulang ma ham marhata ladung, Ase ulang jadi bingung

sihala erdeng-erdeng, erdeng bulung hosaya..

sonaha pe pangerdeng nadong halak porsaya… aih tene….

Sihala sibarunje, ruak sihala bolon
Santabi ma bani umbei, dear nalang tarhorom

Simapang bah kulusar rappah raya huluan
Ila naso mardasar mangambat hamajuon

Sin Raya sini Purba, sin Dolog sini Pane…

Naija pe lang mubah, asal ma na marholong atei…

Sin Raya sini Purba, Sin Dolog sini Panei
Manlangkah pe lang mahua,  Asalma marholong ni atei

Sisir ni anak lajang pattang do itadingkon
Misir pe au marlajang hamdo nahusarihon .

Sopou ibuntu-buntu partuppuan ni garama

sasou pakon nalutu ma naulang anggo tikki marpesta

SAMBUAL BAH SIGARI SALAH MARBUAL TANGAN IGARI

Sinrere ma sirapot, sinrere dompak suah

iparlelei na so dapot, na dob dapot ipaluah

Suhat suhat baluhat boanon hutapian
Tulak bulhat bulhat anggo naso bagian

Sungai Batanghari sungai yang panjang dan luas
Tempat banyak orang berekreasi
Ingatlah setiap hari Tuhan Yesus, Agar kita selalu diberkati.

Suri suri parombah maregat i parsobanan
age tinggi sikolah, angat kebudayon

Surlei bulungni tobu inda dabuh do sanrigat da

buei do anak boru ai ham dassa na hudingat da.

Talaktak porling, sogop i bukkulan ni sopo
Indahan ni mata do borngin, ulang lalap ibodei lapo

Talun ni par kisaran susur hu liang nangka
Layur do au hiranan bani boru sinaga

Talun ni Purba saribu, Tubuhan hare hare
Hata podah hata pasu pasu, Sai ulang muba sai ulang mosei

Tanganni tuak toras, Iagat girah sogot
Janganlah berjiwa keras, Bisa jadi terperogok

Tangis tangis panderes manangisi parudan
Tarsikkotma pambere halani parjuljalan

Tangis tangis siduhduh tangis ibiding sopou
Tarsikkot hinasombuh halani hinaoto.

Taratinggi na korah harbei bani nagolap
Hupatinggi sikkolah hape padaoh rongkap

Tarhirjat Dayok gingging margele gele hambing
Sirsir do namin ring ring hape lalap do tading

Tebing Tinggi jauh dari kampung Embong
Kalau bapa dan ibu berpangkat tinggi
Janganlah kiranya berprilaku sombong

Timbaho ni simarban, ulang mago sanrigat
Age lingot panonggor, ulang lupa pardingat

Timbahouni si morbou, Ulung magou san rihat
Age lingod panonggor, Ulang magou pardingat

Tong kosong nyaring bunyinya
Omong kosong, Tak ada faedahnya

toras ma palia i huta Sinaksak bani tanoh tang na holbungni,

horas ma hita marga Sumbayak – boru ampa panogolanni

torik pe namarsege torikan ope mamburbur
Otik pe naibere sonaima malas uhur .

Tubu ma sanggar , Dohor bani luhutan
Tubu ma anak pakon baru napintar, Rabei jadi parsuhutan

Tubu ma sanggar dohot tobu, parasaran ni piduk
Tubu ma anak pintar dohot boru na bisuk

Tubu ma tamba tua, I juma sipoholan
Anggo domma matua, Porluma nian isarihon

Tubuh ma sanggar dohot tobu, dohor hupagar kawat
Tubuh ma anak pakon boru, jadi jolma na marpangkat

Tubuh ma silanjuyang, itagil lang ra melus
Aha pe lang na hurang, anggo marhasoman Jesus

Tubuh ma simareme-eme, I batangni juma balata
Roh ma uhur dame, Itongah-tongah ni negaranta

Tubuh ma tamba tua , I dolok ni si Marsolpah
Hita orang tua, Porlu mamodahi niombah

Tukkis pe sidalannon ulang pala manomboh
Tubis pe sipangannon ulang lupa martonggo

Tumpak ni piring ledeng, paledang-ledang pahu
Loja do hapeni inang, pagodang-godang kon au

Ulang ihondor gumba, timbaho sihondoran
Ulang martonggo rupa, parlaho do sitonggoran

Urat ni gatap tano, rongging marsiranggoman
Age pe padao-dao,Tondyttai tong marsigomgoman

Urat ni nangka, urat ni hotang
Hujape hita manlangkah, sai dapot-dapotan

Urat ni riba dagei iboan hu Sukadame
Ulang bei sai marbadai, sai roh ma uhur dame

Umpasa on ipatumpu hanami humbani piga2 halaman web, aima:

http://tomysaragih.spaces.live.com/default.aspx?wa=wsignin1.0&sa=218532411

http://www.simalungun.or.id/wiki/tiki-view_blog.php?blogId=2

http://parmasi.blogspot.com/2008/12/kumpulan-umpasa-simalungun.html

http://rapolo.wordpress.com/2008/04/03/umpasa-simalungun/

http://saragih-jambi.blogspot.com/2009/07/umpasa-simalungun-karya-dari-pinggir.html

http://simalunguns.blogspot.com/2009/06/umpasa-simalungun.html

4 Responses to “umpasa”

  1. Elintono Damanik Says:

    Nasuan Ma timabhou
    Dua gantang sadari
    Naubah ma Parlahou
    Ulang Songon Sapari….

  2. Innoki Says:

    Jalan2 ke saribu dolok
    Banyak rumah berbelok2
    Ada namanya lutok
    Dia sibaggal boltok.

  3. Arby Damanik Says:

    Tukkis do simarsolpah,,,
    baggal homa anggo i didah,,,,,
    anggo na marsikkolah,,,
    ulang pitah mangidah idah,,,,,

  4. Sarmulia Sinaga Says:

    Suri-suri parombah
    Rigad i pandudaan
    Age pe gijang sikolah
    ulan hita lupa bani kebudayaan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: